Ada Shayari

Lovers are known for acting in too many ways. Some of them are quite pleasant. Lovers’ looks, their shyness, coquetry, mischief etc. are the acts of love that please lovers. Even their movement, their smile, their way of speaking, or maintaining silence are the acts that engross the poets’ attention. You may experience these in this selection.

is sādgī pe kaun na mar jaa.e ai ḳhudā

laḌte haiñ aur haath meñ talvār bhī nahīñ

andāz apnā dekhte haiñ aa.ine meñ vo

aur ye bhī dekhte haiñ koī dekhtā na ho

pahle is meñ ik adā thī naaz thā andāz thā

rūThnā ab to tirī aadat meñ shāmil ho gayā

pūchhā jo un se chāñd nikaltā hai kis tarah

zulfoñ ko ruḳh pe Daal ke jhaTkā diyā ki yuuñ

hayā se sar jhukā lenā adā se muskurā denā

hasīnoñ ko bhī kitnā sahl hai bijlī girā denā

aafat to hai vo naaz bhī andāz bhī lekin

martā huuñ maiñ jis par vo adā aur kuchh hai

añgḌā.ī bhī vo lene na paa.e uThā ke haath

dekhā jo mujh ko chhoḌ diye muskurā ke haath

adā se dekh lo jaatā rahe gila dil

bas ik nigāh pe Thahrā hai faisla dil

ye jo sar nīche kiye baiThe haiñ

jaan kitnoñ liye baiThe haiñ

aap ne tasvīr bhejī maiñ ne dekhī ġhaur se

har adā achchhī ḳhamoshī adā achchhī nahīñ

nigāheñ is qadar qātil ki uff uff

adā.eñ is qadar pyārī ki tauba

jaan lenī thī saaf kah dete

kyā zarūrat thī muskurāne

zamāna husn nazākat balā jafā shoḳhī

simaT ke aa ga.e sab aap adāoñ meñ

ḳhūb-rū haiñ saikḌoñ lekin nahīñ terā javāb

dilrubā.ī meñ adā meñ naaz meñ andāz meñ

sūrat to ibtidā se tirī lā-javāb thī

nāz-o-adā ne aur tarah-dār kar diyā

gul ho mahtāb ho ā.īna ho ḳhurshīd ho miir

apnā mahbūb vahī hai jo adā rakhtā ho