Safar Shayari

Human beings are always on the run. Slow or fast, they travel the terrain to reach their own destinations. Travelling exposes us to new spaces, brings us to new destinations, and new successes, some of which may sometimes even disappoint us. Here are some examples for you to think over the philosophy of travelling.

maiñ akelā hī chalā thā jānib-e-manzil magar

log saath aate ga.e aur kārvāñ bantā gayā

kisī ko ghar se nikalte mil ga.ī manzil

koī hamārī tarah umr bhar safar meñ rahā

apnī marzī se kahāñ apne safar ke ham haiñ

ruḳh havāoñ jidhar hai udhar ke ham haiñ

is safar meñ niiñd aisī kho ga.ī

ham na so.e raat thak kar so ga.ī

safar meñ dhuup to hogī jo chal sako to chalo

sabhī haiñ bhiiḌ meñ tum bhī nikal sako to chalo

maiñ lauTne ke irāde se rahā huuñ magar

safar safar hai mirā intizār mat karnā

āvāz de ke dekh lo shāyad vo mil jaa.e

varna ye umr bhar safar rā.egāñ to hai

mujhe ḳhabar thī mirā intizār ghar meñ rahā

ye hādsa thā ki maiñ umr bhar safar meñ rahā

jidhar jaate haiñ sab jaanā udhar achchhā nahīñ lagtā

mujhe pāmāl rastoñ safar achchhā nahīñ lagtā

safar meñ aise ka.ī marhale bhī aate haiñ

har ek moḌ pe kuchh log chhūT jaate haiñ

ḳhāmosh zindagī jo basar kar rahe haiñ ham

gahre samundaroñ meñ safar kar rahe haiñ ham

safar ke saath safar ke na.e masā.il the

gharoñ zikr to raste meñ chhūT jaatā thā

safar ke ba.ad bhī mujh ko safar meñ rahnā hai

nazar se girnā bhī goyā ḳhabar meñ rahnā hai

na.e safar lazzatoñ se jism o jaañ ko sar karo

safar meñ hoñgī barkateñ safar karo safar karo

safar hai shart musāfir-navāz bahutere

hazār-hā shajar-e-sāya-dār raah meñ hai